PHALLOPHORI

PHALLOPHORI

Graece Φαλλαφόροι, Sicyoniis Mimi dicti sunt, ab imitatione pompae, quae Priapo fiebat: Φαλλὸς enim palum significat, unde Latin. phalanges ligna teretia, quae subducendis navibus deducendisque subdebantur. Osiridis quoque pompae iisdem similes. Erant autem hi Mimi fuligine obliti et agninis pellibus amicti, ibant que cum canistris et herbis, serpyllo, acantho, violis, hedera, corollis, saltabantque in numerum, atque in honorem Bacchi, cuius more victores hederâ coronabantur, ita concinebant,

Τοὶ Βάκχε τάνδε μούσαν ἀγλαίζομεν κτλ.

Inde procurrentes obvium quemque subsannabant. Eundo namque canebant, cum Ithyphalli stantes pronuntiarent, ebriorum personâ et coronati. Qua de re vide plura apud Scaligerum Poetic. l. 1. c. 10. et hîc infra.